ભારતીય ક્રિકેટ ટીમના કેપ્ટન રોહિત શર્માએ ઈતિહાસ રચી દીધો છે. લખનઉમાં શ્રીલંકા સામે રમાયેલી પ્રથમ ટી20 મેચમાં રોહિત શર્મા ટી20 ક્રિકેટમાં સૌથી વધુ રન બનાવનાર બેટ્સમેન બની ગયો છે.
ભારતીય કેપ્ટને આ મામલે ન્યૂઝીલેન્ડના માર્ટિન ગુપ્ટિલ અને ભારતના વિરાટ કોહલીને પાછળ છોડી દીધા છે.
આ મેચ પહેલા રોહિત શર્માને આ રેકોર્ડ હાંસલ કરવા માટે 37 રનની જરૂર હતી, પ્રથમ T20માં 37મો રન લેતા જ તે સૌથી વધુ T20 રન બનાવનાર બેટ્સમેન બની ગયો હતો.
T20 ક્રિકેટમાં સૌથી વધુ રન
• રોહિત શર્મા – 123 મેચ, 3307 રન
• માર્ટિન ગુપ્ટિલ – 112 મેચ, 3299 રન
• વિરાટ કોહલી – 97 મેચ, 3296 રન
રોહિત શર્માની T20 કારકિર્દી
• 123 મેચ, 3307 રન, સરેરાશ 33.07
• સદી 4, અર્ધસદી 26, છગ્ગા 155
રોહિત શર્મા શ્રીલંકા સામેની પ્રથમ T20માં 44 રન, 32 બોલ, 2 ફોર, 1 સિક્સ (સ્ટ્રાઈક રેટ – 137.5)
તમને જણાવી દઈએ કે ટીમ ઈન્ડિયાના પૂર્વ કેપ્ટન વિરાટ કોહલી આ T20 સિરીઝમાં નથી રમી રહ્યો. આવી સ્થિતિમાં રોહિત શર્મા પાસે રેકોર્ડ તોડીને રનના મામલે લીડ લેવાની તક હતી. રોહિતે આનો ભરપૂર ફાયદો ઉઠાવ્યો અને ત્રણ મેચની T20 સીરીઝની પ્રથમ મેચમાં આ રેકોર્ડ પોતાના નામે કર્યો.
ભારત અને શ્રીલંકા વચ્ચે સૌથી વધુ છગ્ગા T20 ક્રિકેટમાં માત્ર સૌથી વધુ રન જ નહીં પરંતુ રોહિત શર્માએ વધુ એક રેકોર્ડ પોતાના નામે કરી લીધો છે. રોહિત શર્મા હવે ભારત અને શ્રીલંકા વચ્ચેની તમામ T20 મેચમાં સૌથી વધુ સિક્સર મારનાર ખેલાડી બની ગયો છે. રોહિત શર્માએ શ્રીલંકા સામે 15 ટી-20 સિક્સર ફટકારી છે.
ભારત અને શ્રીલંકા વચ્ચે સૌથી વધુ છગ્ગા (T20)
• રોહિત શર્મા – 15 છગ્ગા
• કુશલ પરેરા – 14 છગ્ગા
• શિખર ધવન – 12 છગ્ગા
